പ്ലസ് വൺ സ്പോർട്സ് ക്വാട്ട പ്രവേശനം: സപ്ലിമെന്ററി ഘട്ടം ഇന്ന് മുതൽ ?

 2025-2026 അധ്യയന വർഷത്തേക്കുള്ള പ്ലസ് വൺ സ്പോർട്സ് ക്വാട്ട സപ്ലിമെന്ററി ഘട്ടം ഇന്ന് (ജൂൺ 18) മുതൽ ആരംഭിക്കുമെന്ന് ജില്ലാ സ്പോർട്സ് കൗൺസിൽ സെക്രട്ടറി അറിയിച്ചു. സ്പോർട്സ് ക്വാട്ടയ്ക്ക് പരിഗണിക്കുന്നതിനായി 2023 ഏപ്രിൽ ഒന്നു മുതൽ 2025 മാർച്ച് 31 വരെയുള്ള സർട്ടിഫിക്കറ്റുകളാണ് സമർപ്പിക്കേണ്ടത്. 

വിദ്യാർഥികൾ https://hscap.kerala.gov.in/ എന്ന വെബ്സൈറ്റിലെ സ്പോർട്സ് ക്വാട്ടാ (SPORTS ACHIEVEMENT REGISTRATION) ലിങ്ക് വഴി അപേക്ഷ നൽകി സ്പോർട്സ് സർട്ടിഫിക്കറ്റുകൾ സമർപ്പിക്കണം. സ്പോര്‍ട്ട് അച്ചീവ്മെന്റ് പ്രിന്റ് ഔട്ടും ഒറിജിനൽ സർട്ടിഫിക്കറ്റിന്റെ പകർപ്പും (ഒബ്സർവർ സീലും ഒപ്പും ഉൾപ്പെടെ) സഹിതം ജൂൺ 19 മുതൽ ജൂൺ 20 വൈകുന്നേരം 5 മണി വരെ സിവിൽ സ്റ്റേഷൻ പാലക്കാട് ഫ്രണ്ട്സ് ജനസേവന കേന്ദ്രത്തിന്റെ മുകളിൽ പ്രവർത്തിക്കുന്ന ജില്ലാ സ്പോർട്സ് കൗൺസിൽ ഓഫീസിൽ നേരിട്ട് എത്തണം. ഇ-മെയിൽ വഴിയുള്ള സര്‍ട്ടിഫിക്കറ്റുകള്‍ സ്വീകരിക്കില്ല. സർട്ടിഫിക്കറ്റ് പരിശോധനയ്ക്ക് ശേഷം സ്കോർ കാർഡ് നൽകും. സ്കോർ കാർഡ് ലഭിച്ച ശേഷം 21 ന് വൈകീട്ട് അഞ്ചു മണിക്കുള്ളില്‍ വിദ്യാര്‍ഥികള്‍ വീണ്ടും ലോഗിൻ ചെയ്ത് സ്കൂൾ/കോഴ്സുകൾ തിരഞ്ഞെടുക്കേണ്ടതാണ്. 

സ്പോർട്സ് പ്രവേശനത്തിന് സമർപ്പിക്കുന്ന സർട്ടിഫിക്കറ്റുകളിൽ സീരിയൽ നമ്പർ, ഇഷ്യു ചെയ്ത തീയതി, ഇഷ്യു അതോറിറ്റി എന്നിവ നിർബന്ധമായും ഉണ്ടായിരിക്കണം. ഇവ ഇല്ലാത്ത പക്ഷം അതിന്റെ പൂർണ്ണ ഉത്തരവാദിത്തം അതാത് അതോറിറ്റിക്കും അപേക്ഷ സമർപ്പിക്കുന്ന വിദ്യാർത്ഥികൾക്കുമായിരിക്കുമെന്നുള്ള സത്യവാങ്മൂലം അപേക്ഷയോടൊപ്പം നൽകണം. കൂടുതൽ വിവരങ്ങൾക്കായി 9961083861, 9605144383, 6238376691 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.